ON-LINE JOLASAK ETA SARE SOZIALEN INGURUKO FORMAZIOA

 ON-LINE JOLASAK ETA SARE SOZIALEN INGURUKO FORMAZIOA

Asteazken arratsalde batean, Gines izeneko mutil bat etorri zitzaigun eskolara on-line jolasak eta sare sozialei buruz hitz egitera. Saio horri buruzko gure iritzia emango dugu.

Gure ustez, saioa dibertigarria izateaz gain, interesgarria eta egokia izan zen. Izan ere, gaur egun gehiegi erabiltzen ditugu pantailak.

Saio honi esker ohartu ginen, sare sozialak eta on-line jolasak egoki erabiltzea oso garrantzitsua dela, pantailen atzean arrisku ugari ezkutatzen direlako.

Nahikoa izango da edozein sare sozialetan izena ematerakoan, 18 urte dituzula idaztea.

Beraz, ez dakigu nor dagoen pantailaren atzean, perfil faltsuak egin daitezkeelako.

Hortaz, guretzako egokiak ez diren edukietara (pornografia, gehiegizko indarkeria…) erraz sar gaitezke, eta horrek, kalte egin diezaguke. 

Gainera, pantailaren aurrean pasatzen dugun denborak, beste gauzak egiteko denbora murrizten digu; adibidez, kirola egiteko, lagunekin egoteko…

Hortaz gain, saioa oso aukera ona izan zen gu konturatzeko pantailen gehiegizko erabilerak zein ondorio kaltegarri ekar ditzakeen.  

Era berean, segurtasunez nola jokatu erakutsi zigun: datu pertsonalik ez eman, helbiderik ez eman, argazkirik ez igo…

Gure aburuz, Ginesek eskainitako saioa bikaina eta paregabea izan zen. Saio hori, eskola guztietan eman beharko lukete, pantailek zein arazo dakarten eta erabilera okerrak egin dezakeen minaz ohartzeko.

Lizartzako Herri Eskolako 3. zikloko ikasleak